Ձմերուկը և ճարպակալումը. med.news.am

Ձմերուկը քիչ քանակությամբ կալորիաներ է պարունակում, սակայն գիրության հակում ունեցող մարդիկ պետք է իմանան, երբ եւ ինչ մթերքների հետ այն ոչ մի դեպքում չի կարելի ուտել։

Այս մասին NEWS.am Medicine-ի թղթակցի հետ զրույցում ասել է Da Vinci կլինիկայի դիետլոգ-էնդոկրինոլոգ Հասմիկ Աբովյանը։

Նրա խոսքով՝ ձմերուկի մոտ 92 տոկոսը ջուր է, մնացած 8 տոկոսում պարունակվում են շաքարի տարբեր տեսակներ, մասնավորապես՝ մոնո- եւ դիսախարիդներ, այսինքն, պարզ ածխաջրեր, որոնք չափից շատ օգտագործման դեպքում կարող են գիրացնել։ Միկրոէլեմենտներ ու վիտամիններ ձմերուկում նույնպես կան, սակայն՝ քիչ քանակությամբ։

Ինչպե՞ս պետք է ուտել ձմերուկը, որպեսզի այն չգիրացնի։ Ըստ սննդաբանի՝ միաժամանակ կարելի է ուտել ոչ ավելի, քան 250-300 գրամ ձմերուկ. այդ քանակությունը բավական է՝ սովի կամ ծարավի զգացողությունը մարելու համար։ Բացի այդ, ձմերուկը չի կարելի ուտել այլ՝ մանավանդ յուղ պարունակող մթերքի հետ, քանի որ պարզ ածխաջրերի եւ յուղերի համադրությունը կարող է նպաստել ավելորդ քաշի առաջացմանը։

Սննդակարգը նաեւ խորհուրդ է տալիս գիրության հակում ունեցող մարդկանց երեկոյան ժամը 18։00-ից հետո ձմերուկ չուտել։

Հարցեր, պատասխաններ, մեկնաբանություններ